හවායි දූපතේ පැතිර යන ලැව්ගිනි හේතුවෙන් පුද්ගලයින් 36 දෙනෙකු ජිවිතක්ෂයට පත්වී තිබෙනවා.
Maui දුපතේ හි ප්රධාන සංචාරක ආකර්ෂණය වන Lahaina ලැව් ගිනි හේතුවෙන් විශාල හානියකට ලක්ව ඇති බවයි විදෙස් මාධ්ය වාර්තා කළේ.
පසුගිය අඟහරුවාදා ආරම්භ වූ ලැව්ගිනි අතර හවායි දූපත ආසන්නයේ පවතින ඩෝරා සුළි කුණාටුව හේතුවෙන් වේගයෙන් පැතිර යන බව ද සඳහන්.
මේ වන විට හවායි දූපතට පැමිණ සිටින සංචාරකයින් සහ පදිංචිකරුවන් දහස් ගණනක් තාවකාලික නවාතැන් වෙත ඉවත් කර තිබෙනවා.
මේ අතර ඇමරිකා ජනාධිපති ජෝ බයිඩන් ප්රකාශ කර ඇත්තේ ලැව් ගින්නෙන් ආදරණීයයන් අහිමි වූ පවුල්වලට තම බලවත් ශෝකය පළ කරන බවයි.
Maui ප්රාන්තයේ නගරාධිපති Richard Bissen පැවසුවේ “දීර්ඝ කාලයක සිට පවතින වියළි කාලගුණික තත්වයන් මධ්යයේ ලැව්ගිනි හටගෙන ඇති බවයි.
විශේෂත්වය වන්නේ මෙතරම් ලැව්ගිනි එකවරම සිදුවනු ඇතැයි හවායි බලධාරීන් අපේක්ෂා නොකිරීමයි.