මුහුණු පොතෙන් හඳුනාගත් පහළොස් හැවිරිදි සිසුවියකට ලිංගික අතවර කළ තරුණයෙක් අත්අඩංගුවට ගෙන තිබේ.
මෙම දැරිය තරුණයා සොයා මුල්ලේරියාව ප්‍රදේශයට ගොස් ඇති අතර එහිදීයි ඇය මෙලෙස අතවරයට ලක්ව ඇත්තේ.
තම දියණිය තනිව නිවසෙන් පිටව ගොස් නැවත නිවසට නොපැමිණීම හේතුවෙන් දැරියගේ මව අලුත්ගම පොලිසියට පැමිණිල්ලක් සිදු කර තිබේ.
ඒ අනුව ක්‍රියාත්මක වූ පොලීසිය මෙම සැකකාර තරුණයා අත්අඩංගුවට ගෙන ඇති අතර ඔහු මුල්ලේරියාව ප්‍රදේශයේ පදිංචි අවුරුදු 26ක තරුණයෙකු බවයි වාර්තා වන්නේ.