ඉදිරි දිනවලදී ප්‍රමාණවත් වර්ෂාවක් නොලැබුණ හොත් විදුලි ජනනය කිරීම සිදු කළ හැකි වන්නේ 16 වැනිදා දක්වා පමණක් බව ජේෂ්ඨ විදුලි ඉංජිනේරු සංගම‍යේ මාධ්‍ය ප්‍රකාශක නන්දික පතිරගේ පැවසීය.
හෙතෙම මේ බව සඳහන් කළේ අද (11) පැවති මාධ්‍ය හමුවකට එක්වෙමිනි.
ලබන 16 වැනිදායින් පසු දකුණු පළාතේ දින 10ක පමණ කාලයක් පැය දෙකකට ආසන්නව විදුලි කප්පාදුවක් කිරීමට සිදුවනු ඇති බවත් වර්ෂාව නොලැබුණහොත් හදිසි විදුලිය මිලදී ගැනීම්වලට යාමට සිදුවන අතර එසේ නොමැති වුවහොත් විදුලි කප්පාදුවක් කිරීමට සිදුවන බවත් ඔහු එහිදී අවධාරණය කළේය.
කෙසේනමුත් දිවයින පුරා විදුලි කප්පාදුවක් සිදු නොවන අතර දකුණු පළාතේ පමණක් රාත්‍රී කාලයේ පැය දෙකකට ආසන්න කාලයක් විදුලිය කප්පාදුව කිරීමට සිදුවන බවයි ඔහු වැඩිදුරටත් කියා සිටියේ.