ශ්‍රී ලංකාවේ ස්ථීර සාමය සහතික කිරීම සඳහා සුළු ජාතික ප්‍රජාවන් සමඟ හමුදාව විශ්වාසය ගොඩනගා ගැනීමේ අවශ්‍යතාවය එක්සත් ජනපදය අවධාරණය කර තිබේ.
ශ්‍රී ලංකාවේ අමෙරිකානු තානාපතිනි ජුලී චන්ග් යාපනයේදී ශ්‍රී ලංකා යුද හමුදාපති මේජර් ජෙනරාල් එස්.පී අමුණුගම හමුවූ අවස්ථාවේදී මේ බව අවධාරණය කළාය.
ශ්‍රී ලංකාව සිය හමුදාව නවීකරණය කිරීමට දරන ප්‍රයත්නයන් ඇතුළුව ආරක්ෂක සහයෝගීතාව ඇය එහිදී ගවේෂණය කළ අතර උතුරේ සංචාරයක නිරත වූ තානාපතිවරිය යාපනයේ සිවිල් සමාජ නායකයින් ඇතුළු විවිධ ජන කොටස් හමුවී ඔවුන්ගේ අදහස්ද විමසුවාය.
මෙම තත්ත්වය තුළ ප්‍රජාතන්ත්‍රවාදී ශ්‍රී ලංකාවක් සඳහා එක්ව කටයුතු කිරීමට ගතික හඬ සහ හවුල්කරුවන් අවශ්‍ය බව තානාපතිවරිය සඳහන් කළේය.