තමිල්නාඩු සිට මදුරෙයි දක්වා ගමන් කළ දුම්රියක මැදිරියක් තුළ සිදුවූ පිපිරිමකින් පුද්ගලයින් 10 දෙනෙකු ජිවිතක්ෂයට පත්ව තවත් 20 දෙනෙකු තුවාල ලබා තිබෙනවා.
පිපිරිම සිදුවූ මැදිරියේ ගමන් කළ වන්දනාකරුවෙකු නීති විරෝධී අයුරින් ළඟතබාගත් ගෑස් සිලින්ඩරයක් පිපිරීමෙන් මෙම අනතුර සිදුව ඇති බවයි විදෙස් මාධ්‍ය වාර්තා කළේ.
මදුරෙයි දුම්රිය ස්ථානයේ නවතා තිබියදී පිපිරිම සිදුව ඇති අතර එහි පුද්ගලයින් 55 දෙනෙකු අනතුර සිදුවන අවස්ථාවේ ගමන් කර ඇති බවයි විදෙස් මාධ්‍ය වාර්තා කරන්නේ.