සිම්බාබ්වේ ජනාධිපති එමර්සන් ම්නන්ගග්වා (Emmerson Mnangagwa) 52.6% ක ඡන්ද ප්‍රතිශතයක් ලබා ගනිමින් දෙවන වරටත් ජනාධිපතිවරයා ලෙසට තේරී පත් වූ බව එරට මැතිවරණ කොමිසම පවසනවා.
ඡන්ද මංකොල්ලකෑම් සිදුවී ඇති බවට විපක්ෂය චෝදනා කරන අතර ජාත්‍යන්තර නිරීක්ෂකයින් පැවසුවේ ඡන්දය ප්‍රජාතන්ත්‍රවාදී ප්‍රමිතීන්ට අනුකූල නොවූ බවයි.
සිම්බාබ්වේ මැතිවරණ කොමිසම (ZEC) පැවසුවේ ම්නන්ගග්වා මහතාගේ ප්‍රධාන අභියෝගකරු වූ වෙනසක් සඳහා පුරවැසි සන්ධානයේ (CCC) අපේක්ෂක නෙල්සන් චාමිසා 44%ක ප්‍රතිශතයක් ඡන්ද ලබා ගත් බවයි.
ම්නන්ගග්වා මහතා ඡන්ද මිලියන 2.3 කට වඩා ලබා ගත් අතර, චමිසා මහතා මිලියන 1.9 ක් ලබා ගත් බව සඳහන්. මිලියන 16කට ආසන්න ජනතාවක් ජිවත්වන රටේ ඡන්දය ප්‍රකාශ කිරීමේ ප්‍රතිශතය 69% ක් බවයි මැතිවරණ මණ්ඩලය පවසන්නේ.
ඡන්දය දූෂණය වූ බවට විපක්ෂය ප්‍රකාශ කරන නමුත් ව්‍යවස්ථාපිත අධිකරණය ප්‍රතිඵලය තහවුරු කර තිබෙනවා.
ම්නන්ගග්වා මහතා සිම්බාබ්වේ හි දෙවැනි ජනාධිපතිවරයා යි. හිටපු පාලක රොබට් මුගාබේට එරෙහිව 2017 වසරේ පැවති කුමන්ත්‍රණයක් හේතුවෙන් ඔහු අත්අඩංගුවට පත්වුණා.
සිම්බාබ්වේ වැසියන් තවමත් ඉහළ උද්ධමනයකට, දරිද්‍රතාවයකට සහ ගැටුම්කාරී වාතාවරණයකට මුහුණ දී සිටිනවා.
“කිඹුලා” ලෙසින් හැඳින්වෙන ම්නන්ගග්වා ප්‍රථම වරට ජනාධිපති වූ අවස්ථාවේ තම රටේ ජනතාවට නව ආරම්භයක් ලබාදීමට පොරොන්දු වී තිබුණා.
නමුත් සිම්බාබ්වේ රාජ්‍ය පසුගිය මාසයේ ලෝකයේ ඉහළම උද්ධමන අනුපාත ඇති රටවල්වලින් වලින් එකක් ලෙසටයි වාර්තා වූයේ.
ජූලි මාසයේ භාණ්ඩ මිල ගණන් පෙර වසරට වඩා 101.3% කින් ඉහළ ගොස් තිබෙනවා. විරැකියාව ද බහුලව පවතින අතර, විධිමත් රැකියා කරනු ලබන්නේ සිම්බාබ්වේ වැසියන්ගෙන් 25%ක් පමණයි.