දින නියමයක් නොමැතිව වසා දමා තිබූ ඌව වෙල්ලස්ස විශ්ව විද්‍යාලයේ 2 වන වසර සියලුම පීඨවල අධ්‍යයන කටයුතු අද (28) සිට යළි ආරම්භ කරන බව ඌව වෙල්ලස්ස විශ්ව විද්‍යාලයේ උපකුලපති මහචාර්ය ජයන්ත ලාල් රත්නසේකර පවසයි.
2 සහ 3 වසර පීඨවල සරසවි සිසුන් කණ්ඩායම් දෙකක් අතර ඇතිවූ නොසන්සුන්කාරි තත්ත්වයක් හේතුවෙන් පසුගිය ජූලි මස 18 වැනිදා සිට ඌව වෙල්ලස්ස විශ්ව විද්‍යාලයේ 2 සහ 3 වසර සියලුම පීඨවල සරසවි සිසුන්ට සරසවි භූමිය තහනම් කලාපයක් කරමින් නැවත දැනුම් දෙන තුරු නිවාඩු ලබා දීමට විශ්වවිද්‍යාලයේ පාලන අධිකාරිය පියවර ගත්තේය.