කොළඹ ජාතික රෝහලේ ප්‍රතිකාර ලබමින් සිටි රෝගියෙකු මියයාමේ සිදුවීම පදනම් කර ගනිමින් කෝ ඇමෙක්සි ක්ලොව් නැමැති ප්‍රතිජීවක ඖෂධ කාණ්ඩය භාවිතය තාවකාලිකව අත්හිටවූ බව සෞඛ්‍ය අමාත්‍ය කෙහෙළිය රඹුක්වැල්ල පවසයි.
අදාළ ප්‍රතිජීවක ඖෂධය ලබාදෙන අතරතුර කැපුම් තුවාලකට ප්‍රතිකාර ලබාගැනීමට වරකාපොළ සිට පැමිණි 50 හැවිරිදි පුද්ගලයෙක් පසුගියදා ජීවිතක්ෂයට පත් විය.
අදාළ ඖෂධ කාණ්ඩයේ එන්නත් 21,000 ක් පැවති බවත් ඉන් 18000 ක් මේ වනවිට භාවිතයට ගෙන ඇති බවත් අමාත්‍යවරයා සඳහන් කළේය.
මේ සම්බන්ධයෙන් සොයාබැලීම සඳහා විශේෂඥ කමිටුවක්ද පත් කර තිබේ.