ටොයෝටා සමාගම ජපානයේ කර්මාන්ත ශාලාවල නිෂ්පාදන කටයුතු තාවකාලිකව අත්හිටුවා තිබේ.
නිෂ්පාදන ක්‍රියාවලියේ හටගත් දෝෂයක් හේතුවෙන් එම පියවර ගත් බවයි විදෙස් මාධ්‍ය වාර්තා කර ඇත්තේ.
දෝෂය හඳුනාගැනීමට අවශ්‍ය පියවර ගනිමින් සිටින බවත් එය සයිබර් ප්‍රහාරයක් බව නොසිතන බවත් එම සමාගමේ ප්‍රකාශකයෙක් පැවසීය.
දෝෂය හේතුවෙන් මෝටර් රථ උපාංග සඳහා ඇණවුම් යොමු කිරීම අපහසුවී ඇති අතර
අඟහරුවාදා උදෑසන පළමුවෙන් කර්මාන්ත ශාලා 12ක නිෂ්පාදන කටයුතු නවතා දැමුණු බවත් පසුව ඉතිරි කර්මාන්තශාලා දෙකෙහි කටයුතුද නවතා දැමූ බවත් විදෙස් මාධ්‍ය වැඩිදුරටත් දක්වා තිබේ.