වී අලෙවි මණ්ඩලය විසින් වී මිලදී ගැනීමට සූදානම් නමුත් ගොවීන් විසින් වී අලෙවි මණ්ඩලයට වී ලබා නොදෙන බව කෘෂිකර්ම අමාත්‍ය මහින්ද අමරවීර පවසනවා.
ඊයේ (04) මාධ්‍ය හමුවකට එක්වෙමිනුයි කෘෂිකර්ම අමාත්‍යවරයා මේ බව සඳහන් කළේ.
කවර අවස්ථාවක වුවත් අවශ්‍ය ප්‍රමාණයකින් වී මිල දී ගැනීමට වී අලෙවි මණ්ඩලය සූදානම් බවත් අමාත්‍යවරයා මෙහිදී සඳහන් කර සිටියා.
එමෙන්ම වී අලෙවි මණ්ඩලයේ ඕනෑම වී ගබඩාවක් විවෘතව තැබීමට අවශ්‍ය පියවර ගෙන තිබෙන බවයි ඔහු මෙම මාධ්‍ය හමුවේ දී වැඩිදුරටත් සඳහන් කළේ.
මේ අතර දැනට රජය සතුව ප්‍රමාණවත් තරම් වී සහ සහල් සංචිත නොමැති බව ද අමාත්‍යවරයා පැවසුවා.