සහල් සඳහා උපරිම සිල්ලර මිලක් නියම කර විශේෂ ගැසට් නිවේදනයක් නිකුත් කර තිබේ.
එම ගැසට් නිවේදනයේ දැක්වෙන්නේ සහල් විකිණිය හැකි උපරිම සිල්ලර මිල ගණන් ලෙස කීරි සම්බා රු. 260ක්, සම්බා රු. 230ක් සහ නාඩු රු. 220, රතු කැකුළු රු. 210ක් ලෙසයි.
නියමිත මිල ගණනට සහල් අලෙවි කරන ලෙස පාරිභෝගික කටයුතු පිළිබඳ අධිකාරිය වෙළෙඳුන් වෙත දැනුම් දී තිබේ. සහල් වැඩි මිලට අලෙවි කිරීම සම්බන්ධව දිවයින පුරා වැටලීම් අඛණ්ඩව සිදුකරනු ලබන බව ත් නීතිය තදින්ම ක්‍රියාත්මක බව ත් පාරිභෝගික සේවා අධිකාරිය නිලධාරීන්ට උපදෙස් ලබා දී ඇත.