දුර්ලභ වෛරසයක් වන ‘නිපා වෛරසය’ ආසාදනය වීමෙන් ඉන්දියාවේ කේරළ ප්‍රාන්තයේ පුද්ගලයින් දෙදෙනෙක් ජීවිතක්ෂයට පත්ව තිබේ.
විදෙස් මාධ්‍ය වාර්තා කරන්නේ ඉන් එක් අයෙක් අගෝස්තු මාසයේදී මියගොස් ඇති අතර අනෙක් පුද්ගලයා මීට දින කිහිපයකට පෙර මියගොස් ඇති බවයි.
ඔවුන් දෙදෙනා එකම පවුලේ සාමාජිකයින් වන අතර තවත් දෙදෙනෙක්ට වෛරසය ආසාදනය වී ඇති බවට සැක කෙරෙන අතර ඔවුන් දෙදෙනාගේ ජෛව සාම්පල පරීක්ෂණ සඳහා යවා තිබේ.
වෛද්‍යවරු පවසන්නේ නිපා වෛරසය හේතුවෙන් මොළයේ සෛල විනාශ වන බවත් එය මිනිසුන් අතර ශ්‍රාව ස්පර්ශයෙන් පැතිරෙන බවත්ය.
ආසාදිත ඌරන් සහ වවුලන් මඟින් මෙම වෛරසය පැතිරෙන අතර ඊට සුදුසු ප්‍රතිකාර ක්‍රමයක් මෙතෙක් සොයාගෙන නොමැත.