ICC ක්‍රිකට් ලෝක කුසලාන 2023 කුසලානය මහජන ප්‍රදර්ශනයට තබා තිබේ.
ඒ අනුව සුවහසක් ක්‍රීඩා ලෝලීන්ට අද (14) මෙම කුසලානය සි‍යැසින් දැක ගැනීමේ අවස්ථාව හිමිවනු ඇත.
ඊයේ (13) ශ්‍රී ලංකාවට රැගෙන ආ ICC පිරිමි ක්‍රිකට් ලෝක කුසලානය කොළඹ ලෝක වෙළඳ මධ්‍යස්ථානයේ අද (14) පෙරවරු 9:00 සිට පස්වරු 2:00 දක්වාද ඉන් අනතුරුව පස්වරු 3:00 සිට රාත්‍රී 8:00 දක්වා One Galle Face Mall හිදීද ප්‍රදර්ශනය කෙරෙන බවයි ශ්‍රී ලංකා ක්‍රිකට් ආයතනය පවසන්නේ.
හෙට (15) දිනයේදී ශ්‍රී ලංකා නායක දසුන් ශානකගේ සහභාගීත්වයෙන් කුසලානය මාධ්‍ය වෙත ප්‍රදර්ශනය කිරීමට නියමිතය.