මාලදිවයිනේ ජනාධිපතිවරණයේ දෙවැනි වටයෙන් විපක්ෂ නායක මොහොමඩ් මුයිසු ජයග්‍රහණය කර තිබෙනවා.
සියයට 54ක ඡන්ද ප්‍රතිශතයක් ලබා ගත් 45 හැවිරිදි මොහොමඩ් මුයිසු මාලදිවයිනේ මීළඟ ජනාධිපතිවරයා ලෙසට ධුරයට පත් වනු ඇති .
චීන හිතවාදියෙක් වූ මුයිසු, මාලේ අගනුවර නගරාධිපතිවරයා ලෙස ද මීට පෙර කටයුතු කර තිබෙනවා.
ජනාධිපතිවරණයේ දෙවැනි වටයේ දී, මුයිසු සමඟ තරඟ වැදුණු මාලදිවයින ජනාධිපති 61 හැවිරිදි ඊබ්‍රාහිම් මොහොමඩ් සෝලිහ්, පරාජය බාර ගනිමින් මුයිසු ට සුබ පතා තිබෙනවා.
ජනාධිපති ඊබ්‍රහීම් සෝලි ඉන්දීය හිතවාදියෙක් ලෙසටයි සැලකෙන්නේ.
නොවැම්බර් 17 වන දින නව ජනපති පත් වන තෙක් සෝලි භාරකාර ජනාධිපති ලෙස කටයුතු කරනු ඇති.
2018 වසරේ සිට බලයේ සිටින මාලදිවයින් ප්‍රජාතන්ත්‍රවාදී පක්ෂයේ 61 හැවිරිදි මොහොමඩ් සෝලිහ් ඉන්දියාව සමඟ සබඳතා ශක්තිමත් කර ගනු ලැබුවා.
ඔහු එය හැඳින්වූයේ “ඉන්දියාව-පළමු” ප්‍රතිපත්තියක් ලෙසටයි.
මාලදිවයින බොහෝ කලක සිට ඉන්දියාවේ බලපෑමට යටත්ව පැවතීම හමුවේ ඉන්දීය සාගරයේ ප්‍රධාන කොටසක් නිරීක්ෂණය කිරීමේ හැකියාව ද දිල්ලියට ලැබී තිබෙනවා.
නව ජනපති ලෙසට තේරී පත්වී ඇති ප්‍රගතිශීලී සන්ධානයේ සන්ධානයේ 45 හැවිරිදි මුයිසු චීනය සමඟ වඩා හොඳ සබඳතාවලට කැමැත්තක් දක්වන අයෙක්.