ඉදිරි මාස 6 තුළ සුඛෝපභෝගී බස් රථ 50ක් නැවත ධාවනයට එක් කරන බව ශ්‍රී ලංකා ගමනාගමන මණ්ඩලය පවසයි.
ධාවනයෙන් ඉවත් කළ බස් රථ 50ක් මෙලෙස නැවත ධාවනයට එක් කරන බවයි නිවේදනයක් නිකුත් කරමින් ගමනාගමන මණ්ඩලය පවසන්නේ.
විවිධ තාක්ෂණික ගැටළු, අමතර කොටස් නොමැති වීම ආදිය හේතුවෙන් දැනට ධාවනය අත්හිටුවා ඇති බස් රථ කටුපෙත සුපිරි සුඛෝපභෝගී සංචාරක ප්‍රවාහන සේවා සමාගම වෙත රැගෙනවිත් තිබේ.
ශ්‍රී ලංකාවේ පැවැත්වෙන පොදුරාජ්‍ය මණ්ඩලීය සමුළුව සඳහා ප්‍රවාහන පහසුකම් සැපයීම සඳහා රජය විසින් රැගෙන ආ සුඛෝපභෝගී බස් රථ 50ක් මෙලෙස සන්නද්ධ කර ඇති බව වාර්තා වේ.
එම බස් රථවලින් දිනකට රුපියල් ලක්ෂයකට වැඩි ආදායමක් ලැබිය හැකි බව ශ්‍රී ලංකා ගමනාගමන මණ්ඩලය පවසයි.