ගෑස් මිල වැඩිවෙන්නේ මෙහෙමයි

ලිට්‍රෝ ගෑස් සමාගම අද (04) මධ්‍යම රාත්‍රියේ සිට ගෑස් මිල සංශෝධනය කිරීමට තීරණය කර තිබෙනවා.

ඒ, අනුව කිලෝග්‍රෑම් 12.5 ගෑස් සිලින්ඩරයක් රුපියල් 95.00 කින් වැඩිකිරීමට තීරණය කර ඇති බවයි වාර්තා වන්නේ.

ඊට අමතරව කිලෝග්‍රෑම් 05ක ගෑස් සිලින්ඩරයක් රුපියල් 38.00කින් මිල වැඩිකිරීමට එම සමාගම තීරණය කර තිබෙනවා.

කිලෝග්‍රෑම් 2.3ක ගෑස් සිලින්ඩරයක මිල ඉහළ දමා ඇත්තේ රුපියල් 18කින්.

මෙම මිල සංශෝධනයත් සමඟ කිලෝග්‍රෑම් 12.5 ගෘහස්ත ගෑස් සිලින්ඩර නව මිල රුපියල් 3,565.00ක් වන අතර කිලෝග්‍රෑම් 05ක ගෑස් සිලින්ඩරය නව මිල වන්නේ රුපියල් 1,431.00ක්.

රුපියල් 18.00කින් මිල ඉහළ දැමූ කිලෝග්‍රෑම් 2.3ක ගෑස් සිලින්ඩරයක නව මිල රුපියල් 668.00ක් ලෙස දැක්වෙනවා.