නේපාලයේ රිච්ටර් මාපකයේ 6.4 ක ප්‍රබල භූමිකම්පාවක් සිදුව තිබෙනවා.
විදෙස් මාධ්‍ය වාර්තා කළේ මෙම භූමිකම්පාවෙන් පුද්ගල මරණ 69ක් මේ වනවිට වාර්තා වී ඇති බවයි.
බටහිර නේපාලයේ ඇති වූ මෙම භූ කම්පනයෙන් තවත් විශාල පිරිසක් තුවාල ලබා ඇති බව ද වාර්තා වනවා.
නේපාලයේ ජාතික භූ කම්පන මධ්‍යස්ථානය පැවසුවේ මෙම භූමිකම්පාව එරට වේලාවෙන් ඊයේ රාත්‍රී 11.47ට පමණ සිදුව ඇති බවයි.
බටහිර නේපාලයේ කර්නාලි පළාතේ දිස්ත්‍රික්කයක් වන ජජර්කොට් හි මෙම භූමිකම්පාව සිදුව ඇති අතර, ජජර්කොට් දිස්ත්‍රික්කය කත්මණ්ඩු අගනුවරට බටහිර දෙසින් කිලෝමීටර් 500 පමණ දුරකින් පිහිටා තිබෙනවා.