අත්තනගලු ඔය ද්‍රෝණිය සඳහා නිකුත් කළ ගංවතුර අනතුරු ඇඟවීමේ නිවේදනය තවත් පැය 24ක් දක්වා දීර්ඝ කර තිබෙනවා.
මේ හේතුවෙන් ඉදිරි පැය කිහිපය තුළ දිවුලපිටිය, මීරිගම, අත්තනගල්ල, මහර, ගම්පහ, මිනුවන්ගොඩ, ජා ඇල, කටාන සහ වත්තල යන ප්‍රාදේශීය ලේකම් කොට්ඨාශවලට අයත් පහත් බිම් ප්‍රදේශවල සුළු ගංවතුරට තත්ත්වයක් ඇතිවිය හැකියි.
මෙම තත්ත්වය සම්බන්ධයෙන් දැඩි සැලකිල්ලකින් කටයුතු කරන ලෙසටයි එම ප්‍රදේශවල පදිංචි මහජනතාවගෙන් සහ ප්‍රදේශයේ මාර්ගවල ගමන් කරන රියදුරන්ගෙන් ඉල්ලා සිටින්නේ.
මේ පිළිබඳ අවශ්‍ය පියවර ගන්නා ලෙසට ද වාරිමාර්ග දෙපාර්තමේන්තුව ආපදා කළමනාකරණ අංශවලින් ඉල්ලා තිබෙනවා.