මුන්දලම පොලිසිය විසින් ගව සොරකමේ යෙදුණු බවට සැකපිට නාවික හමුදා සෙබළෙක් ඊයේ (13) අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ මුන්දලම, බත්තුළුඔය,මරියවිලා වත්ත ප්රදේශයේ පදිංචි නාවික හමුදා සෙබළෙක් බවයි පොලීසිය පැවසුවේ.
මොහු යාපනය – කරෙයිනගර් එළාර නාවික හමුදා කඳවුරට අනුයුක්තව සේවය කරන බවයි වාර්තා වන්නේ.
‘සහරා’ යන අන්වර්ථ නාමයෙන් හඳුන්වනු ලබන මෙම සැකකරු සම්බන්ධයෙන් පොලිසියට ලැබී තිබූ පැමිණිළි කීපයක් සම්බන්ධයෙන් සිදුකර ඇති විමර්ශනයකින් අනතුරුව මෙම අත්අඩංගුවට ගැනීම සිදු කර තිබෙනවා.
මුන්දලම පොලීසිය වැඩිදුර විමර්ශන කටයුතු සිදුකරනු ලබනවා.