‘උරුමය’ ජාතික මෙහෙයුම් ලේකම් කාර්යාලය ජනාධිපති ලේකම් සමන් ඒකනායක ප්රධානත්වයෙන් විවෘත කර තිබෙනවා.
චැතම් වීදිය, පැරණි ස්ටෑන්ඩර්ට් චාර්ටඩ් ගොඩනැගිල්ලේ පිහිටි ‘උරුමය’ ජාතික මෙහෙයුම් ලේකම් කාර්යාලය ඊයේ (01) දිනයේදී විවෘත කර තිබෙනවා.
ජනතාවගේ ඉඩම් අයිතිය සුරක්ෂිත කිරීම වෙනුවෙන් ජනාධිපති රනිල් වික්රමසිංහගේ සංකල්පයක් මත ගොවි පවුල් ලක්ෂ 20 ක් සඳහා නිදහස් ඔප්පු ප්රදානය කිරීමට රජය සැලසුම් කර තිබේ.
උරුමය වැඩසටහන ක්රියාත්මක කිරීම සඳහා මෙවර අයවැය මගින් රුපියල් බිලියන දෙකක් වෙන් කර ඇති අතර ඉඩම් සංවර්ධන ආඥා පනත යටතේ ලබා දුන් ඉඩම් බලපත්ර සියල්ල සින්නක්කර ඔප්පු බවට පත් කර එය භුක්ති විඳි ගොවි ජනතාවට ලබා දීම මෙමඟින් සිදු කෙරේ.
මෙම වැඩසටහන ක්රියාත්මක කිරීමේ දී ප්රජාව වෙතින් ඉදිරිපත් වන ගැටලු සඳහා කඩිනම් විසඳුම් ලබා දීම සහ අදාළ ආයතන සම්බන්ධීකරණය කරමින් මෙහෙයවීමේ යාන්ත්රණය ක්රියාත්මක කිරීම සඳහා ජනාධිපති කාර්යාලය යටතේ ‘උරුමය’ ජාතික මෙහෙයුම් ලේකම් කාර්යාලය ක්රියාත්මකය.
දීමනා ඔප්පු සම්බන්ධයෙන් පවතින ගැටළු නිරාකරණය කර ගැනීමට හා ලියාපදිංචි වීමට උරුමය ජාතික මෙහෙයුම් ලේකම් කාර්යාලයේ 0114354600-1 දුරකතන අංකය ඇමතීමෙන් හෝ http://tinyurl.com/yb98yhey විද්යුත් පෝරමයෙන් ලබා ගත හැකිය.
![](https://madyawediya.lk/wp-content/uploads/2024/02/Urumaya.jpg)
![](https://madyawediya.lk/wp-content/uploads/2024/02/Urumaya-04.jpg)
![](https://madyawediya.lk/wp-content/uploads/2024/02/Urumaya-06.jpg)
![](https://madyawediya.lk/wp-content/uploads/2024/02/Urumaya-012.jpg)