කොවිඩ් වසංගත සමයේ සිට තාවකාලිකව සිය ගුවන් ගමන් මෙහෙයුම් අත්හිහිටුවා තිබූ කැතේ පැසිෆික් ගුවන් සේවාව යළිත් තම ගුවන් මෙහෙයුම් අරඹා තිබෙනවා.
ඒ අනුව ඊයේ (01) දිනයේදී නැවත ගුවන් ගමන් ඇරඹි ප්‍රථම මංගල ගුවන් යානය කටුනායක ගුවන්තොටුපොළ වෙත පැමිණියා.
කැතේ පැසිෆික් ගුවන් සේවයේ සී.එක්ස් – 611 දරන ප්‍රථම මංගල ගුවන් යානය ඊයේ (01) මධ්‍යම රාත්‍රී 11.35 ට ගුවන් මගීන් 253 දෙනෙකු රැගෙන කටුනායක ගුවන්තොටුපොළ වෙත පැමිණ තිබුණා.
කැතේ පැසිෆික් ගුවන් සේවය මෙම මංගල ගුවන් ගමන සදහා එයාර් බස් 330 – 300 වර්ගයේ ගුවන් යානයක් යොදවා තිබුණි.
සෑම සතියකම අඟහරුවාදා, බ්‍රහස්පතින්දා සහ සෙනසුරාදා යන දිනවල හොංකොං සිට කටුනායක දක්වා ඍජු ගුවන් ගමන් සේවා මෙතැන් සිට ක්‍රියාත්මක කිරීමට නියමිතය.