ගම්පහ, මල්වතුහිරිපිටිය විහාරස්ථානයකදී හිමිනමක් වෙඩි තබා ඝාතනය කිරීමේ සිද්ධියට අත්අඩංගුවට ගත් වෙඩික්කරු පොලිස් වෙඩි ප්රහාරයකින් මියගොස් තිබෙනවා.
අදාළ සැකකරු පොලිස් අත්අඩංගුවෙන් මිදී පළායාමට උත්සාහ කිරීමේ දීයි මෙලෙස පොලිස් වෙඩි පහරින් ජීවිතක්ෂයට පත්ව ඇත්තේ.
අත්තනගල්ල, යටවක ප්රදේශයේ සැඟවා තිබූ ආයුධ සොයාගැනීම සඳහා සැකකරු රැගෙන ගොස් සිටියදී මෙලෙස ඔහු පොලිස් අත්අඩංගුවෙන් මිදී පළායාම උත්සාහ කර තිබෙනවා.
එම අවස්ථාවේදීඉ පොලීසිය සිදු කළ වෙඩි තැබීමකින් සැකකරු මියගොස් ඇති බවයි වාර්තා වන්නේ.
පොලිස් ස්ථානයේ බුද්ධි අංශ නිලධාරීන් වෙත ලද තොරතුරක් අනුව පසුගිය ජනවාරි 23 වැනිදා මල්වතුහිරිපිටිය – ශ්රී ඝනාරාම විහාරස්ථානයේ වැඩ විසූ හිමිනමක් වෙඩි තබා ඝාතනය කිරීමේ සිද්ධියේ වෙඩික්කරු හම්බේගමුව ප්රදේශයේදී ඊයේ අත්අඩංගුවට ගනු ලැබුවා.