ජාතික ජන බලවේගයේ නායක අනුර කුමාර දිසානායක අද (20) සවස කැනඩාව බලා පිටත්වීමට නියමිතය.
කැනඩාවේ ජීවත් වන ශ්රී ලාංකිකයින් අමතන ජන හමු කිහිපයකට සහභාගි වීම සඳහායි මෙලෙස අනුර කුමාර කැනඩාව බලා යාමට නියමිතව ඇත්තේ.
ජාතික ජන බලවේගයේ කැනඩා කමිටුව විසින් සංවිධානය කරනු ලැබ ඇති ප්රධාන ජන හමු දෙකෙන් පළමුවැන්න 23 වැනි සෙනසුරාදා කැනඩාවේ ටොරොන්ටෝ අගනුවරදීද, දෙවැන්න 24 වැනි ඉරිදා දින පස්වරුවේ වැන්කුවර් නගරයේදීද පැවැත්වෙනු ඇත.
මෙම ප්රධාන ජනහමුවලට අමතරව කැනඩාවේ වෙසෙන ශ්රී ලාංකේය දෙමළ හා මුස්ලිම් ප්රජාව මුණගැසෙන සුහද හමු කිහිපයකටද සහභාගිවීමට ජාතික ජන බලවේගයේ නායක අනුර කුමාර දිසානායක කටයුතු කරනු ඇත.