කොළඹ කොටුව දුම්රිය ස්ථානයේ දුම්රිය අනතුරක් සිදුව තිබෙනවා.
අප වාර්තාකරු පැවසුවේ කොළඹ කොටුව දුම්රිය ස්ථානයෙන් අද පස්වරුවේ හලාවත බලා ධාවනය වීමට නියමිත වූ දුම්රිය නියමිත ස්ථානයේදී නවතා ගැනීමට අපහොසත් වීම හේතුවෙන් වේදිකාව ද කඩාගෙන එම දුම්රිය නැවතී ඇති බවයි.
එම අනතුර හේතුවෙන් කිසිවකුට හෝ අනතුරක් සිදුව නොමැති අතර දුම්රියේ ඉදිරි කොටස හා වේදිකාවේ කොටසකට හානි සිදු වී ඇත.
දුම්රිය ගමනාගමන කටයුතු සඳහා මෙය ගැටලුවක් නොමැති අතර මේ සම්බන්ධයෙන් දුම්රිය දෙපාර්තමේන්තු මට්ටමෙන් පරික්ෂණයක් සිදු කිරීමට නියමිතය.