කළුතර ලැගුම්හලක තාවකාලිකව පදිංචිව සිටි රුසියන් ජාතික කාන්තාවක අද (16) උදෑසන කාමරයේ ඇඳක් මත මියගොස් සිටියදී සොයාගෙන තිබෙනවා.
මෙලෙස මියගොස් ඇත්තේ නඩීස්ඩා බොඩ්නර් නමැති 74 හැවිරිදි කාන්තාවක බවයි කළුතර උතුර පොලිසිය පැවසුවේ.
මීට මාස එකොළහකට පමණ පෙර දිවයිනට පැමිණි ඇති මෙම කාන්තාව එම නිවාඩු නිකේතනය කුලියට ගෙන පදිංචිව සිට ඇති බවයි වාර්තා වන්නේ.
මහේස්ත්රාත් පරීක්ෂණයෙන් අනතුරුව මෘත දේහය කළුතර ශික්ෂණ රෝහලට රැගෙන යාමට නියමිතයි.