සංවිධානාත්මක අපරාධ කණ්ඩායම් සහ පාතාලය මර්ධනය කිරීම සඳහා විශේෂ කාර්ය බළකායේ විශේෂ පුහුණුවක් ලද පළමු පොලිස් යතුරුපැදි කණ්ඩායමේ විසිරයාමේ පෙළපාලිය අද (25) කළුතර, කටුකුරුන්ද පිහිටි විශේෂ කාර්ය බළකා පුහුණු පාසලේදී මහජන ආරක්ෂක අමාත්ය ටිරාන් අලස්ගේ ප්රධානත්වයෙන් සිදු කර තිබෙනවා.
එම පුහුණුව හදාරන ලද විශේෂ යතුරුපැදිකරුවන් 96 දෙනෙක් යතුරුපැදි 48 ක් සමඟ මෙහිදී විසිර ගියා.
විසිර ගිය සියලු යතුරුපැදිකරුවන් වෙත සහතිකයක් මෙහිදී ලබා දුන් අතර මෙම යතුරුපැදිකරුවන් කොළඹ අපරාධ කොට්ඨාසයට අනුයුක්ත කර තිබෙනවා.
බස්නාහිර සහ දකුණ ප්රදේශවල හඳුනාගත් ජාවාරම්කරුවන් පසුපස හඹා ගොස් ඔවුන්ගේ ක්රියාකාරකම් මර්දනය කිරීම මෙහි අරමුණයි.