හිටපු අමාත්‍ය මහින්දානන්ද අලුත්ගමගේට එරෙහිව ගොනු කර ඇති නඩු තීන්දුවක් මේ මස 30 වැනිදා දක්වා කල් තබා තිබෙනවා
අමාත්‍යවරයෙකු වශයෙන් කටයුතු කරමින් අයථා ලෙස උපයාගත් රුපියල් මිලියන 27කට අධික මුදලක් වැය කොට කොළඹ කින්සි පාරේ සුඛෝපභෝගී නිවසක් මිලදී ගැනීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදු කළැයි ගොනුකර ඇති නඩුවේ තීන්දුව ප්‍රකාශ කිරීම මේ මස 30 වැනිදා දක්වා කල් තැබීමටයි කොළඹ මහාධිකරණය අද (25) නියම කළේ.
මෙම නඩුවේ තීන්දුව අද ප්‍රකාශයට පත් කිරීමට නියමිතව තිබුණා.
එහෙත් මහාධිකරණ විනිසුරු නවරත්න මහරසිංහ සඳහන් කළේ එහි තීන්දුව ප්‍රකාශ කිරීම ලබන 30 වැනිදා සිදු කරන බවයි.
මෙම චෝදනාව සම්බන්ධයෙන් ඉකුත් යහපාලන රජය සමයේ නීතිපතිවරයා විසින් හිටපු අමාත්‍ය මහින්දානන්ද අලුත්ගමගේට එරෙහිව මෙම නඩුව ගොනු කර තිබුණා.