ජනාධිපති අනුර කුමාර දිසානායක මහතාගේ ආරාධනයට අනුව තෙදින රාජ්ය සංචාරයක් සඳහා ඉන්දියානු අග්රාමාත්ය නරේන්ද්ර මෝදි මහතා අද (04) සන්ධ්යාවේදී ශ්රී ලංකාවට පැමිණීමට නියමිතයි.
“සියවස් මිතුදමක සෞභාග්යවත් අනාගතයකට බැඳීමක්” (Friendship Of Centuries Commitment to Prosperous Future) යන සංකල්පය තහවුරු කරමින් අග්රාමාත්ය මෝදි මහතා මෙම සංචාරයේ නිරත වනු ඇත.
ඉන්දියානු අග්රාමාත්යවරයා සමඟ ඉන්දියානු විදේශ අමාත්ය එස්. ජයශංකර් මහතා ඇතුළු නියෝජිත පිරිසක්ද මෙම සංචාරයට එක්වීමට නියමිතය.
හෙට (අප්රේල් 05) පෙරවරුවේ කොළඹ නිදහස් චතුරස්ර පරිශ්රයේදී ඉන්දියානු අග්රාමාත්යවරයා පිළිගැනීමේ නිල උත්සවය පැවැත්වෙනු ඇත.
එදින ජනාධිපති ලේකම් කාර්යාලයේදී ජනාධිපති අනුර කුමාර දිසානායක මහතා සමඟ ද්වීපාර්ශ්වික සාකච්ඡාවල නිරත වීමටත්, ද්වීපාර්ශ්වික නියෝජිතයන් අතර පැවැත්වෙන හමුවට සහභාගි වීමටත් අග්රාමාත්ය මෝදි මහතා සැලසුම් කර ඇත.
බලශක්ති, ඩිජිටල්කරණ, ආරක්ෂක සහ සෞඛ්ය යන ක්ෂේත්රවලට අදාළව අවබෝධතා ගිවිසුම් මෙන්ම ඉන්දියාව සමඟ ණය ප්රතිව්යුගතකරණයට අදාළ ගිවිසුම් හුවමාරු කර ගැනීමටද නියමිතය.
ඉන්දියානු සහයෝගීතාවෙන් සිදු කෙරෙන සාම්පූර් සූර්ය විදුලි බලාගාර ව්යාපෘතිය ආරම්භ කිරීම, උෂ්ණත්වය සහ ආර්ද්රතාවය පාලනය කළ හැකි මෙට්රික් ටොන් 5,000ක ධාරිතාවකින් යුත් දඹුල්ල කෘෂි ගබඩා සංකීර්ණය (ශීතාගාර ව්යාපෘතිය) සහ ඉන්දියානු පරිත්යාගයක් ලෙස ලැබුණු ආගමික ස්ථාන 5000ක හෙවිලි මත සූර්ය පැනල සවි කිරීමේ ව්යාපෘතිය මාර්ගගත ක්රමය ඔස්සේ අග්රාමාත්ය මෝදි මහතා විසින් විවෘත කරනු ලැබේ.
තවද, ඉන්දියානු අග්රාමාත්යවරයා අනුරාධපුර ශ්රී මහා බෝ සමිඳුන් වැඳපුදා ගැනීමටත්, ඉන්දියානු රජයේ ප්රදානයක් ලෙස ස්ථාපිත කරන ලද මහව-අනුරාධපුර දුම්රිය සංඥා පද්ධතිය සහ නවීකරණය කරන ලද මහව-ඕමන්ත දුම්රිය මාර්ගය නිල වශයෙන් විවෘත කිරීමටත් සැලසුම් කර තිබේ.
අප්රේල් 06 වන දින පස්වරුවේ ඉන්දියානු අග්රාමාත්යවරයා තම ශ්රී ලංකා සංචාරය නිල වශයෙන් නිම කරමින් දිවයිනෙන් පිටත්ව යාමට නියමිතයි.
ඉන්දියානු අග්රාමාත්ය නරේන්ද්ර මෝදි අද දිවයිනට
