විද්යාගාරයක තිබූ රසායනික ද්රව්යයක් දිවේ ගෑවීමෙන් දඹුල්ල ප්රදේශයේ විදුහලක හත්වැනි වසරේ ඉගෙනුම ලබන සිසු සිසුවියන් හත් දෙනෙකු 07 දින දඹුල්ල මූලික රෝහලට හත්දෙනෙකු රෝහල්ගත කර තිබේ.
දඹුල්ල පොලිසිය පැවසුවේ, පිරිමි දරුවන් පස්දෙනෙකු සහ ගැහැණු දරුවන් දෙදෙනකු මෙසේ රෝහල්ගත කර තිබෙන බවයි.
සහකාර පොලිස් අධිකාරියේ එම්. එස්.කේ වික්රමනායක මහතා සඳහන් කළේ විද්යාලයේ හත්වැනි වසරේ ඉගෙනුම ලබන දරුවන් පිරිසක් මෙසේ රෝහල්ගත කොට තිබෙන බවත් විදුහලේ විද්යාගාරය පසුගිය නිවාඩු දින කිහිපයේ රිලවුන් කඩා එහි තිබූ භාණ්ඩ ඇද දමා තිබුණු බවය.
ඒ අනුව එහි විසිරී තිබුණු රතු පැහැ ගැන්වූ ද්රව්යයක් මෙම දරුවන් මිරිස් කුඩු යැයි සිතා දිව මත ගා රස බලා ඇති බවට තොරතුරු වාර්තා වේ.