අස්වැසුම වැඩසටහන මගින් ජූලි මාසය සඳහා ගෙවීම් සිදු නොකළ ඉතිරි පවුල් වෙනුවෙන් අදාළ ගෙවීම් කටයුතු ඉදිරි මාස දෙක තුළදී අවසන් කිරීමට හැකි බව සුබසාධක ප්‍රතිලාභ මණ්ඩලයේ අතිරේක කොමසාරිස් (මෙහෙයුම්) රත්නසිරි රාජපක්ෂ පැවසීය.
එමෙන්ම ඔහු වැඩිදුරටත් අවධාරණය කළේ මේ වනවිට ජූලි මාසයට අදාළව සම්පූර්ණ ගෙවීම් සිදුකර ඇත්තේ පවුල් ලක්ෂ 12කට පමණක් බවත් පවුල් ලක්ෂ 05ක බැංකු ගිණුම්වල ඇති විවිධ ගැටලු හේතුවෙන් ජූලි මාසයට අදාළ දීමනා ගෙවීම් ප්‍රමාද වී ඇති බවත්ය.
මෙම වසරේ දෙසැම්බර් මස වනවිට අස්වැසුම සම්බන්ධව පවතින සියලු ගැටලු නිරාකරණය කර 2024 ජනවාරි වනවිට කිසිදු ප්‍රමාදයකින් තොරව දීමනා ලබා දීමට පියවර ගන්නා බවයි සුබසාධක ප්‍රතිලාභ මණ්ඩලයේ අතිරේක කොමසාරිස්වරයා සඳහන් කළේ.