මරදාන පොලිස් වසමේ, ශ්‍රී සංඝරාජ මාවතේ, බී.බී.සී පාලම අසළ තිබී ඊයේ (29) නාඳුනන පිරිමි මළ සිරුරක් හමු වී ඇති බව පොලිසිය පවසයි.
මරදාන පොලිසියට ලද තොරතුරක් මත නිලධාරීන් කණ්ඩායමක් එම ස්ථානයට ගොස් විමර්ශන ආරම්භ කර තිබේ.
පොලීසිය පැවසුවේ මියගිය පුද්ගලයාගේ අනන්‍යතාව මෙතෙක් තහවුරු වී නොමැති බවයි.
මෘත ශරීරය කොළඹ ජාතික රෝහලේ මෘත ශරීරාගාරයේ තැන්පත් කර තිබේ.
මේ පිළිබඳව මරදාන පොලිසිය වැඩිදුර විමර්ශන සිදුකරනු ලබයි.