ශ්‍රී ලංකාවේ නිල සංචාරයක නිරත ඉන්දීය මුදල් අමාත්‍ය නිර්මලා සීතාරාමන් සහ ජනාධිපති රනිල් වික්‍රමසිංහ අතර විශේෂ හමුවක් ඊයේ (02) පස්වරුවේ පැවැත්වුණා.
ජනාධිපති මන්දිරයේදී මෙම හමුව සිදුවූ බවයි ජනාධිපති මාධ්‍ය අංශය වාර්තා කළේ.
මෙම හමුවට ඉන්දීය මහ කොමසාරිස් ගෝපාල් බාග්ලේ ඇතුළු ඉන්දීය දූත පිරිසද සහභාගී වී ඇත.
ශ්‍රී ලංකාව සහ ඉන්දියාව අතර බෞද්ධ සබඳතා ප්‍රවර්ධනය කිරීමේ වැඩසටහන යටතේ ඉන්දීය රජයේ ඩොලර් මිලියන 15 ක පරිත්‍යාගයෙන් සිදුකිරීමට නියමිත ව්‍යාපෘති සම්බන්ධයෙන් ද්විපාර්ශ්වික ගිවිසුමක් හුවමාරු වූ බව ජනාධිපති මාධ්‍ය අංශය සඳහන් කළේය.
