ඖෂධ ගෙන්වීමේදී සිදු වන හදිසි මිලදී ගැනීම් සහ දූෂණ ක්‍රියා නිසා වසරකට විශාල මුදලක් අපතේ යන බව රජයේ වෛද්‍ය නිලධාරීන්ගේ සංගමය පවසයි.
රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ පවසන්නේ එලෙස පසුගිය කාලයේදී පමණක් මෙම දූෂණ ක්‍රියා හේතුවෙන් වසරකට රුපියල් බිලියන තිහක් සහ හතළිහක් අපතේ ගොස් ඇති බවයි.
ලබන වසර සඳහාද ඖෂධ ගෙන්වීම සඳහා රුපියල් බිලියන 180ක මුදලක් වෙන් කර ඇති අතර ඖෂධ ගෙන්වීමේදී නිසි ක්‍රමවේදයක් අනුව ඖෂධ ගෙන්වීමට කටයුතු කළහොත් මෙතරම් මුදලක් වැය නොවන බවයි ඔහු වැඩිදුරටත් සඳහන් කළේ.