කොළොන්නාවේ ‘කුඩු රැජිණ’ යන අනවර්ථ නාමයෙන් හඳුනවන කාන්තාවක් විශේෂ කාර්‍යය බලකාය ජයවර්ධනපුර කඳවුරේ නිලධාරීන් විසින් අත්අඩංගුවට ගෙන තිබෙනවා.
ඊයේ වැල්ලම්පිටිය පොලිස් වසමේ ශ්‍රී ආනන්දාරාම මාවත – කොළොන්නාවේදීයි මෙම කාන්තාව අත්අඩංගුවට ගෙන ඇත්තේ.
ඇය සන්තකයේ තිබී මත් කරල් 374 ක් හා හෙරොයින් මිලි ග්‍රෑම් 600 ක් සොයාගෙන තිබෙනවා. මෙම සැකකාරිනිය වයස අවුරුදු 32 ක කාන්තාවක්.
මත්ද්‍රව්‍ය ජාවාරමින් උපයාගන්නා ලද මුදල් රුපියල් 138,000ක මුදලක් ද ඇය සන්තකයේ තිබී සොයා ගැනුණා.මෙම කාන්තාව දීර්ඝ කාලයක සිට මෙම මත්ද්‍රව්‍ය ජාවාරම සූක්ෂ්මව සිදු කරගෙන ගොස් ඇති බවටයි හෙළි ව ඇත්තේ.
සැකකාරිනිය වැඩිදුර විමර්ශන සඳහා වැල්ලම්පිටිය පොලිසිය වෙත භාර දී තිබෙනවා.