අඟුරුවාතොට, වෙනිවැල්පිටිය ප්‍රදේශයේ කුඹුරු යායක නියරක් මත තිබී සැක කටයුතු ලෙස මියගොස් සිටි පුද්ගලයෙකුගේ මළ සිරුරක් සොයාගෙන තිබෙනවා.
ලේ ගලන තුවාල සහිතව වැටී පුද්ගලයෙකු මියගොස් සිටින බවට අඟුරුවාතොට පොලිසියට ලද තොරතුරක් මත මෙම මළ සිරුර ඊයේ (19) සොයාගෙන ඇති බවයි වාර්තා වුණේ.
මෙලෙස මියගොස් ඇත්තේ වෙනිවැල්පිටිය, හල්තොට ප්‍රදේශයේ පදිංචි 40 හැවිරිදි අයෙක් බවයි පොලීසිය පවසන්නේ.
මෙම සැකකටයුතු මරණය සම්බන්ධයෙන් මහෙස්ත්‍රාත් පරීක්ෂණය සිදුකර පශ්චාත් මරණ පරීක්ෂණය සඳහා මෘත ශරීරිය හොරණ රෝහලේ මෘත ශරීරාගාරයේ තැන්පත් කර ඇති බවයි වාර්තා වුණේ.
අඟුරුවාතොට පොලීසිය මේ සම්බන්ධයෙන් වැඩිදුර විමර්ශන සිදුකරනු ලබනවා.