බලංගොඩ පිහිටි යද්දෙහිකන්ද ප්‍රදේශය නායයෑමේ අවදානමකට ලක් ව ඇති නිසා මේ වනවිට ඒ අවට සිටින පවුල් 06ක් ඉවත් කිරීමට පියවර ගෙන තිබෙනවා.
අද උදෑසන සිට කන්ද අවට ජීවත් වන පවුල් 06ක සාමාජිකයින් 22 දෙදෙනකු ඔවුන්ගේ ඥාති නිවාසවල තාවකාලි ක රඳවා තැබීමටයි බලංගොඩ ප්‍රාදේශීය ලේකම් කාර්‍යාලය කටයුතු කර ඇත්තේ.
පවතින අධික වර්ෂාවත් සමග මෙම ප්‍රදේශයේ නිවාසවල බිත්ති ඉරිතැලි භුමිය පුපුරා පැතිර ගොස් ඇති බැවින් ඔවුන් ආරක්ෂිත ව මෙලෙස ඥාති නිවස්වල රඳවා තැබීමට කටයුතු කළ බවයි බලංගොඩ ප්‍රාදේශීය ලේකම් හේමන්ත බණ්ඩාර පැවසුවේ.
ඔවුන්ට අවශ්‍ය වියළි ආහාර බෙදා දීමක්ද සිදු කෙරෙන බවත් වාර්තා වනවා.