ඉදිරියේදී පැවැත්වීමට නියමිත සියලුම මැතිවරණවලදී දෘශ්‍යබාධිත පුද්ගලයින් වෙනුවෙන් විශේෂ ඡන්ද පත්‍රිකාවක් ලබා දීමට තීරණය කර තිබේ.
මැතිවරණ කොමසාරිස් ජනරාල්වරයා මේ බව පැවසුවේ, ආබාධ සහිත තැනැත්තන් සඳහා වන පාර්ලිමේන්තු සංසදයේ විශේෂ මාධ්‍ය හමුවකට එක්වෙමිනි.
ඒ අනුව සෑම ඡන්ද මධ්‍යස්ථානයකදීම එවැනි පුද්ගලයින් වෙනුවෙන් විශේෂ ඡන්ද පත්‍රිකාවක් නිකුත් කෙරෙන බවයි මැතිවරණ කොමසාරිස් ජෙනරාල් සමන් රත්නායක පැවසුවේ.
ඡන්ද මධ්‍යස්ථානවල ශ්‍රව්‍යාබාධිත ප්‍රජාවගේ අවශ්‍යතා සහ ආබාධ සහිත ප්‍රජාවගේ ප්‍රවේශය සදහා විශේෂ අවධානය යොමු කරන බවත් ආබාධිත ප්‍රජාවට හැඳුනුම්පතක් ලබා දීමට පියවර ගන්නා බවත් කොමසාරිස් ජෙනරාල්වරයා වැඩිදුරටත් අවධාරණය කළේය.