දිවයිනට බලපෑ දරුණු නියඟය හේතුවෙන් යල කන්නයේ වගා හානි සිදු වූ ගොවීන්ට වන්දි මුදල් ප්‍රදානය කිරීම මේ වනවිට ආරම්භ කර තිබෙනවා.
කෘෂිකර්ම අමාත්‍යංශය පවසන්නේ මේ වනවිට වගා හානි වන්දි සඳහා වැය කර තිබෙන මුදල රුපියල් මිලියන 550ක් බවයි.
වලව කලාපයේ හා හම්බන්තොට දිස්ත්‍රික්කයේ වගා හානි වන්දි සඳහා අවශ්‍ය සියලු මුදල් මේ වනවිට වෙන් කර ඇති අතර මෙම මාසය අවසන් වනවිට වගා හානි සිදුවූ රටේ සියලු ගොවීන්ට වන්දි මුදල් ප්‍රදානය කර අවසන් කරන බව ගොවිජන රක්ෂණ මණ්ඩලය පවසන්නේ.