කුඩාඔය පොලිසිය විසින් පතන යාය – ඌව කුඩාඔය ප්‍රදේශයේ සිදුකළ වැටලීමකදී බලපත්‍රයක් නොමැතිව විදේශීය රටක නිෂ්පාදිත තුවක්කුවක් සහ උණ්ඩ 10ක් සොයා ගෙන තිබෙනවා.
ඒ අනුව ගිනි අවියක් ළඟ තබා ගැනීමේ චෝදනාව මත පතාන යාය ඌව කුඩා ඔය ප්‍රදේශයේ පදිංචි 29 හැවිරිදි පුද්ගලයෙකු අත්අඩංගුවට ගෙන තිබෙනවා.
සැකකරු සම්බන්ධයෙන් පරීක්ෂණ පැවැත්වීමෙන් අනතුරුව සැකකරු වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිත බව පොලිසිය පවසයි.