විපක්ෂ නායක සජිත් ප්‍රේමදාස නිවාස ඇමති ධුරය දැරූ සමයේදී දිවයින පුරා ඉදි කිරීම් ආරම්භ කර වැඩ අවසන් නොකර අතහැර දැමූ උදා ගම්මාන නිවාස 39,815ක වැඩ කඩිනමින් අවසන් කරන ලෙසට නාගරික සංවර්ධන හා නිවාස අමාත්‍ය ප්‍රසන්න රණතුංග ජාතික නිවාස සංවර්ධන අධිකාරියට උපදෙස් ලබා දී තිබෙනවා.
නිවාස සංවර්ධන අධිකාරිය පවසන්නේ ඒ සඳහා රුපියල් මිලියන 24,000ක මුදලක් අවශ්‍ය බවයි.
සජිත් ප්‍රේමදාස නිවාස ඇමතු ධුරය දැරූ 2015-2019 කාලය තුළදී දිවයින පුරා උදා ගම්මාන 2,158ක නිවාස ඒකක 42,610ක වැඩ ආරම්භ කරනු ලැබුවා.
එමෙන්ම විවිධ රජයන් විසින් වැඩ ආරම්භ කර අතරමඟ නතර කර දමා ඇති නිවාස 98,000 ඉදි කිරීම් කඩිනමින් අවසන් කිරීම කෙරෙහිද අවධානය යොමුව ඇති බවයි අමාත්‍යවරයා අවධාරණය කළේ.