දරුවන්ගේ අසභ්‍ය ඡායාරූප සහ වීඩියෝ පට අන්තර්ජාලයට හෝ සමාජ මාධ්‍ය හරහා විසුරුවා හරින පුද්ගලයින් හඳුනාගත හැකි අන්තර්ජාතික දත්ත පද්ධතියක් සමග එකතුවීමට ශ්‍රී ලංකා පොලිසියට හැකි වී තිබෙනවා.
නියෝජ්‍ය පොලිස්පතිනි රේණුකා ජයසුන්දර පැවසුවේ මෙම දත්ත පද්ධතිය inter ational center for missing and exploited children ලෙස හඳුන්වනු ලබන බවයි.
මීට මාස දෙකකට පමණ පෙර මෙම දත්ත පද්ධතිය හා එකතුවීමට ශ්‍රී ලංකා පොලිසියට හැකි වූ බවත් ඒ හරහා අන්තර්ජාලය ඔස්සේ නිතර අසභ්‍ය වීඩියෝ නරඹන පුද්ගලයින් පිළිබඳව තොරතුරු ලබාගත හැකි බවත් ඇය සඳහන් කළාය.
අන්තර්ජාල සේවා සපයන ආයතන මෙම අන්තර්ජාතික දත්ත පද්ධතිය හා සම්බන්ධ වී එම තොරතුරු හුවමාරු කරගන්නා අතර මෙමගින් ඉතා පහසුවෙන් එවැනි පුද්ගලයන් හදුනාගැනීමට හැකියාව පවතිනවා.