පෙට්‍රල් මිල ඉහළ ගියහොත් ලබන මස ත්‍රිරෝද රථ ගාස්තු ඉහළ දමන බව සමස්ත ලංකා ත්‍රිරෝද රථ රියදුරන්ගේ සංගමය පවසනවා.
අද (29) පැවති මාධ්‍ය හමුවකදී අදහස් දක්වමින් එම සංගමයේ සභාපති ලලිත් ධර්මසේකර පැවසුවේ ජනවාරියේ සිට වැඩිවන ඉන්ධන මිලට අනුව පළමු කිලෝමීටරයට ගාස්තු වැඩි කරන බවයි.
ලබන ජනවාරියේ සිට 18%කින් වැට් බදු වැඩිවීමත් සමඟ ත්‍රිරෝද රථ ගාස්තු වැඩි කිරීමට සිදුවන බවයි ඔහු වැඩිදුරටත් සඳහන් කළේ.