උලපනේ උලපනාවත්ත, පල්ලේගම තේ කර්මාන්තශාලාවේ සේවිකාවකට ලිංගික අතවර කිරීමට උත්සාහ කළ එහි කළමණාකාරවරයා ගම්පොළ ඇත්ගාල පොලිසිය විසින් අත්අඩංගුවට ගෙන තිබෙනවා.
පොලීසිය පැව්සුවේ 43 හැවිරිදි මෙම කළමනාකාරවරයා දෙදරු පියෙකු බවයි.
අලුයම රාජකාරී සඳහා කළමනාකරු ඇගේ නිවසේ සිට වෑන් රථයකින් රාත්‍රී දෙකයි තිහට රැගෙන එමින් සිටියදී වෑන් රථය පාළු ස්ථානයක නවතා ඇයට අතවර කිරීමට උත්සාහ දරා ඇති බවයි අනාවරණය වී ඇත්තේ.
ලිංගික හිංසනයට ලක්වූ 58 හැවිරිදි මෙම කාන්තාව රැය පහන් වනතුරු සිට උදෑසන මේ බව ඇත්ගාල පොලිසිය වෙත පැමිණිලි කර ඇති අතර
ඒ අනුවයි මොහු අත්අඩංගුවට ගෙන ඇත්තේ.
මොහු අධිකරණය වෙත ඉදිරිපත් කර ඇති අතර මහේස්ත්‍රාත්වරයා රුපියල් ලක්ෂය බැගින් වූ ශරීර ඇප දෙකක් මත ඔහුට ඇප නියම කර තිබෙනවා.
මීට අදාළ නඩු විභාගය මාර්තු 11 වැනිදාට කල් තබා තිබෙනවා.