මිරිහාන ප්‍රදේශයේ නිවසක තිබී අඹුසැමි යුවළකගේ මළ සිරුරු සොයාගෙන තිබෙනවා.
පොලීසිය පැවසුවේ නිවසේ ඇඳක් මත මීට දින කිහිපයකට පෙර මියගොස් නරක් වූ පිරිමි පුද්ගලයෙකුගේ මළ සිරුරක් සහ නිවසේ මුළුතැන්ගෙයි බිම තිබී නිරුවත් කාන්තාවකගේ මළ සිරුරක් මෙලෙස හමු වූ බවයි.
අසල්වැසියෙකු විසින් එම නිවසේ දින කිහිපයක සිට දුඟදක් හමන බවට මිරිහාන පොලිසියට කළ දැනුම්දීමකට අනුවයි මෙලෙස එම නිවස පරික්ෂාවට ලක් කර ඇත්තේ.
වැඩිදුර විමර්ශනවලදී අනාවරණය වී ඇත්තේ මෙලෙස මියගොස් ඇති පිරිමි පුද්ගලයා වයස අවුරුදු 80ක පමණ අයෙක් වන අතර කාන්තාව වයස අවුරුදු 96ක් වන එම නිවසේ පදිංචිව සිටි අඹු සැමි යුවලක් බවයි.
පශ්චාත් මරණ පරීක්ෂණය සිදු කිරීම සඳහා මෘත ශරීර කළුබෝවිල රෝහලේ මෘත ශරීරාගාරයේ තැම්පත් කර තිබෙනවා.