අමෙරිකා ජනාධිපති ජෝ බයිඩ්න් එරට සියලුම රාජ්‍ය සේවකයින් අනිවර්යයෙන්ම කොවිඩ් ප්‍රතිශක්තිකරණ එන්නත් ලබා ගත යුතු බවට නියෝග කර ඇත.
එසේම එරට මහා පරිමාණ සමාගම්වල සේවකයන්ට කොවිඩ් මර්දන එන්නත හෝ සතිපතා කොවිඩ් පරීක්ෂණ අනිවාර්ය කිරීමට අමෙරිකා ජනාධිපතිවරයා තීරණය කර තිබේ.
පුද්ගලික අංශයේ සේවක සේවිකාවන් මිලියන 80 කට පමණ එය බල පැවැත්වෙනු ඇත.
ධවල මන්දිරයේදී විශේෂ ප්‍රකාශයක් කරමින් ජනාධිපතිවරයා සඳහන් කලේ සේවකයන් 100 කට වැඩි සෑම සමාගමක්ම මෙම නියමයන්ට යටත් වන බවයි.
එමෙන්ම ෆෙඩරල් රජයේ සේවක සේවිකාවන් ලක්ෂ 40 කට පමණ කොවිඩ් එන්නත අනිවාර්ය කිරීමටද ජනාධිපතිවරයා විසින් දන්වා තිබේ.
අමෙරිකාවෙන් ඊයේ වාර්තා වී ඇති කොවිඩ් මරණ සංඛ්‍යාව 1,929කි.