අනුරාධපුර පූජා භූමිය ප්රදේශයේ අලෙවි කිරීම සඳහා සූදානම් කර තිබූ ලක්ෂ අටකට අධික වටිනාකමින් යුත් කේරළ ගංජා තොගයක් සමග පුද්ගලයෙක් අත්අඩංගුවට ගෙන තිබෙනවා.
විශේෂ කාර්ය බලකාය මුලතිව් කඳවුරේ නිලධාරීන්ට ලද තොරතුරකට අනුව ඊයේ (29) අනුරාධපුර පොලිස් වසමේ රුවන්වැලිසෑය ඉදිරිපිට ඇති රථගාලේ දී මෙම වැටලීම සිදුකර ඇත.
එහිදී අලෙවි කිරීම සඳහා ලක්ෂ අටකට අධික වටිනාකමින් යුත් කේරළ ගංජා කිලෝ 04, ග්රෑම් 250 ක් සන්තකයේ තබාගෙන සිටි පුද්ගලයෙක් අත්අඩංගුවට ගෙන තිබෙනවා.
පොලීසිය පැවසුවේ මෙලෙස අත්අඩංගුවට ගෙන ඇත්තේ ආනවාසල, කල්පිටිය පදිංචි වයස අවුරුදු 32 පසුවන පුද්ගලයකු බවයි.
වැඩිදුර විමර්ශන කටයුතු සඳහා ඔහු අනුරාධපුර පොලිස් ස්ථානය වෙත භාර දී තිබෙනවා.