කථානායක මහින්ද යාපා අබේවර්ධනට එරෙහිව ගෙන එන විශ්වාසභංග යෝජනාව අද (05) පාර්ලිමේන්තුවට ඉදිරිපත් කිරීමට නියමිතය.
විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල පැවසුවේ විශ්වාසභංග යෝජනාව අද පෙරවරුවේ අදාළ යෝජනාව පාර්ලිමේන්තු මහලේකම් කුෂාණි රෝහණධීර වෙත භාරදීමට බලාපොරොත්තු වන බවයි.
විපක්ෂය විසින් කථානායකවරයාට මෙලෙස විශ්වාසභංග යෝජනාවක් ගෙන එනු ලබන්නේ ඔහු ව්‍යවස්ථාව උල්ලංඝනය කරමින් කටයුතු කරන බවට චෝදනා කරමින්.