බස් රථයක ගමන් ගත් පුද්ගලයෙක් එහි පිටුපස දොරෙන් එළියට ඇද වැටී ජීවිතක්ෂයට පත්වීමේ පුවතක් වාරියපොළ ප්‍රදේශයෙන් වාර්තා වනවා.
මෙලෙස අවාසනාවන්ත ලෙස ජීවිතක්ෂයට පත්ව ඇත්තේ වයස අවුරුදු 46ක රඹුක්කන, වල්ගම ප්‍රදේශයේ පදිංචිකරුවෙක්.
පොලිසිය පැවසුවේ කුරුණෑගල සිට වාරියපොළ දෙසට ධාවනය වූ පෞද්ගලික බස් රථය ගමන් කරමින් සිටි පුද්ගලයෙක් ඊයේ (10) රාත්‍රියේ මෙලෙස අනතුරට ලක්ව ඇති බවයි.
අනතුරෙන් බරපතළ තුවාල ලැබූ පුද්ගලයා වාරියපොළ රෝහලට ඇතුළත් කර ඇති අතර වැඩිදුර ප්‍රතිකාර සඳහා කුරුණෑගල රෝහලට මාරු කර යවා තිබෙනවා.
එම අවස්ථාවේදීයි ඔහු මෙලෙස ජීවිතක්ෂයට පත්ව ඇත්තේ.