ලුණුගම්වෙහෙර ප්‍රදේශයේදී පුද්ගලයෙකු තියුණු ආයුධවලින් කපා කොටා ඝාතනය කර තිබෙනවා.
පොලීසිය පැවසුවේ අද (28) අලුයම 01.30ට පමණ මෙම ඝාතනය සිදුව ඇති බවයි.
මෙලෙස ඝාතනය කර ඇත්තේ ලුණුගම්වෙහෙර කැලුම් තුෂාර හෙවත් ‘ඉබ්බා’ නමැති 32 හැවිරිදි පුද්ගලයෙක් බවයි පොලීසිය පැවසුවේ.
බරපතල තුවාල ලැබූ මෙම පුද්ගලයා ලුණුගම්වෙහෙර රෝහලට ඇතුළත් කිරීමේදී මියගොස් තිබෙනවා.
පොලීසිය සැක පළ කරන්නේ එම ප්‍රදේශයේම පුද්ගලයෙකු සමඟ කලක සිට පැවති ආරවුලක් හේතුවෙන් මෙම අපරාධය සිදු කරන්නට ඇති බවයි.
සිද්ධිය සම්බන්ධයෙන් ලුණුගම්වෙහෙර පොලිසිය වැඩිදුර විමර්ශන සිදුකරනු ලබනවා.