ජේසුස් ක්‍රිස්තුස් වහන්සේ කුරුසිය මත දිවි පිදීමේ යාගය සිහිපත් කෙරෙන මහ සිකුරාදා දිනය අදයි.
ලොව පුරා කිතුණු බැතිමතුන් අද දිනයේදී නිරාහාර ශීලය රකිමින් දාන මාන දෙමින්, කිතු සමිඳුන්ගේ කුරුස ගමන සිහිපත් කරමින්, පාද නමස්කාරයේ යෙදෙමින් ආගමික වත්පිළිවෙත්වල නිතර වනවා.
ජේසුස් ක්‍රිස්තුස් වහන්සේ මිනිසා පවින් මුදාගැනීම සඳහා කුරුසියේ දිවිපිදීම සිහිපත් කරමින් අද දිනයේදී කිතුණු බැතිමතුන් දුක්ප්‍රාප්ති දේව මෙහෙයන්වලට එක්වනු ලබනවා.
මහ සිකුරාදාට පසුව යෙදෙන ඉරිදා දිනයේදී ජේසුස් ක්‍රිස්තුස් වහන්සේ මරණයෙන් උත්ථාන වූ බව විශ්වාස කරන කතෝලික බැතිමතුන් උන්වහන්සේ මළවුන් පරදා නැගිටීම සිහි කරමින් පාස්කු ඉරිදා මහත් උත්සවශ්‍රීයෙන් සමරනු ලබනවා.